З юбілеем!

5 красавіка адзначыла  свой 55-гадовы юбілей  прыбіральшчык  службовых памяшканняў школы Рэчыц Лілія Міхайлаўна.

Усяго два гады працуе гэтая жанчына ў  школе, але з першага дня стала членам  нашай пярвічнай прафсаюзнай арганізацыі, зарэкамендавала сябе дысцыплінаваным працавітым работнікам.

Нарадзілася Лілія Міхайлаўна ў 1963 годзе ў в. Калбовічы Баранавіцкага раёна. Скончыла Падгорненскую дзесяцігодку і Ляхавіцкі саўгас-тэхнікум па спецыяльнасці “заатэхнік”. Па размеркаванні прыехала Лілія Міхайлаўна ў в. Смаляны Пружанскага раёна, дзе доўгі час працавала брыгадзірам жывёлаводчай фермы. Выйшла замуж і пераехала ў Лінова. Шмат гадоў працавала ў Ліноўскім спіртзаводзе, саўгасе “Ліноўскі”, в/ч 67675. На розных пасадах жанчына добрасумленна адносілася да працы.

Бесканфліктная, тактоўная, таварыская, клапатлівая маці і бабуля, Рэчыц Лілія Міхайлаўна з задавальненнем працуе і зараз.

Ад усёй душы калектыў Ліноўскай школы віншуе сваю калегу з юбілеем, жадае ёй доўгіх гадоў жыцця, бадзёрасці, вытрымкі, цярпення, цудоўнага настрою.