тыдзень нямецкай мовы

У перыяд з 15 па 20 лютага  у нашай школе  прайшоў Тыдзень нямецкай мовы. Уся ўвага была накіравана на павышэнне цікавасці навучэнцаў да вывучэння нямецкай мовы, а таксама знаёмства з  культурай, звычаямі і традыцыямі краіны вывучаемай мовы.

Тыдзень быў арганізаваны ў  форме гульні–падарожжа па астравах. За актыўны ўдзел і добрыя адказы навучэнцам выдаваліся жэтоны на працягу тыдня.

У паняделак дзеці з захапленнем наведалі Востраў, прысвечаны Дню святога Валянціна. Каля ўвахода  кожнага чакаў чароўны куфэрак з прадказаннямі і пачастункамі. З традыцыямі свята дзеці пазнаёміліся на інфармацыйных гадзінах-віктарынах, асаблівую асалоду прынеслі святочныя гульні і выстава віншавальных паштовак і валянцінак. На працягу ўсяго дня працавала святочная пошта.

У аўторак запрасіў да сябе Востраў Музыкі. Вучням было прапанавана паўдзельнічаць  ў конкурсе песень і фестывалі караоке на нямецкай мове. Асаблівую цікавасць выклікалі танцы з казачнымі героямі і выстава-парад нямецкіх кампазітараў.

Не менш цікавым быў і Востраў Пазнання. Попытам карыстаўся фестываль крыжаванак і рэбусаў, у якім удзельнічаў кожны клас. Але нічога не магло параўнацца з кагнітыўным даследаваннем краіны і касмічнай прасторай у VR-акулярах. На першым паверсе школы была арганізавана пазнавальная гульня-выстава “Вуліца славутасцей”, на другім – дзейнічала “Пляцоўка казак братоў Грым.”

Чацвер сустракаў школьных сяброў на Востраве Ведаў. Займальныя віктарыны, турніры, пазнавальная  гульня «Што? Дзе? КаліІ?», брэйн-рынг «Шчаслівы выпадак» і «Свая гульня» адкрылі свае дзверы перад вучнямі.

Пятніца вітала ўсіх на Востраве Забаў. Дзеці з захапленнем удзельнічалі ў спаборніцтве «Знайдзі прыказку»  і «Самая хуткая скарагаворка». Шматлікія гульні і конкурсы чакалі кожнага вучня. Працавала выстава дзіцячай нямецкай літаратуры і прэсы.

Кульмінацыйным момантам стала суботняя гульня «Форт Боярд», пасля якой адбылося ўзнагароджанне самых актыўных і таленавітых знаўцаў нямецкай мовы. Яны атрымалі дыпломы і падарункі, усе ўдзельнікі атрымалі салодкія пачастункі.