У алімпійскі рух праз культуру і мастацтва

З мэтай уключэння вучняў у алімпійскі рух праз культуру і мастацтва, спалучаючы захапленні і алімпійскае выхаванне, юныя алімпійцы нашай школы актыўна прымаюць удзел у конкурсах творчых работ на алімпійскую тэматыку ў рамках Праграмы развіцця алімпійскага выхавання ў Брэсцкай вобласці ў 2015/2016 навучальным годзе.

Самымі актыўнымі і творчымі сталі вучні пачатковых класаў са сваімі класнымі кіраўнікамі. Асабліва хочацца адзначыць вучняў 3 “Б” і іх класнага кіраўніка Жвалікоўскую Н.А., настаўніцу выяўленчага мастацтва Бондараву Т.В. і вучаніцу 9 класа Нікіцюк Марыю. Вучні прынялі ўдзел у конкурсе спартыўнай куклы “Талісман для алімпійца”, конкурсе дэкаратыўна-прыкладнога мастацтва “Пад флагам Рыа-дэ-Жанэйра”, вучняў 1, 2, 4 класаў і іх класных кіраўнікоў Касілка Т.У., Хмару В.М., Шавялёву Э.А., якія прынялі ўдзел у конкурсе паштовак “Летнія алімпійскія гульні ў Рыа-дэ-Жанэйра”.