ЭКСКУРСІЯ Ў ПАЛАЦАВЫ КОМПЛЕКС САПЕГАЎ

Вучні Ліноўскай школы на вясенніх канікулах наведалі палацавы комплекс Сапегаў і краязнаўчы музей Бярозаўскага лясніцтва Пружанскага раёна.
Ружанскі палац – цудоўны помнік архітэктуры XVIII стагоддзя ў стылі позняга класіцызму. Яго часта называюць “Беларускім Версалем”, таму што ён быў пабудаваны паводле падабенства гэтага вядомага на ўвесь свет палаца.
У пачатку 2011 года быў адчынены музей “Ружанскі палацавы комплекс Сапегаў”. На гэты момант адрэстаўраваны два флігеля і ўяздная брама. Для наведвальнікаў адчынены чатыры экспазіцыйныя і адзін выставачны зал. Два з іх знаходзяцца ў усходнім флігелі і прысвечаны замкаваму і палацаваму перыядам.
У заходнім флігелі знаходзіцца экспазіцыя прысвечаная гісторыі Ружан – галоўнай рэзідэнцыі рода Сапегаў, а таксама экспазіцыйны зал “Гасцёўня канцлера”, дзе ў інтэр’ерах XVII – XVIII стагоддзяў праводзяцца тэатралізаваныя гістарычныя рэканструкцыі. Захапляюць і руіны Ружанскага палацу.