25 лютага настаўнікі пачатковых класаў сабраліся на пасяджэнне метадычнага аб’яднання.

25 лютага настаўнікі пачатковых класаў сабраліся на пасяджэнне метадычнага аб’яднання. Педагогі абмяркоўвалі пытанні, аб’яднаныя агульнай тэмай “Праектаванне і правядзенне вучэбных заняткаў на першай ступені агульнай сярэдняй адукацыі з улікам прадметнай спецыфікі”.

Пасяджэнне ўключала тэарэтычны і практычны блокі.

У першай частцы настаўнік Касілка Т.У. напомніла калегам аб патрабаваннях да вынікаў засваення навучэнцамі пачатковых класаў агульнаадукацыйнай праграмы па матэматыцы на першай ступені агульнай сярэдняй адукацыі, а Жвалікоўская Н.А. спынілася на асаблівасцях рэалізацыі кампетэнтнаснага падыходу ў адукацыйным працэсе.

Затым быў наведаны ўрок матэматыкі ў 2 “Б” класе, на які калег і адміністрацыю школы запрасіла Дворак Н.В. Вучні замацоўвалі веды вывучаных выпадкаў табліцы складання і аднімання, адпрацоўвалі ўменне рашаць задачы па тэме “Складанне і адніманне ў межах 100”.

Абраная настаўніцай форма гульні дапамагала другакласнікам удасканальваць веды  нумарацыі лікаў ад 1 да 100.