У рамках Дэкады патрыятызму «Слаўлю Айчыну» …

У рамках Дэкады патрыятызму «Слаўлю Айчыну», якая праходзіць у школе, вучні старэйшых класаў наведалі пакой баявой славы воінаў-інтэрнацыяналістаў у Палацы культуры г. Пружаны. Цікавую экскурсію правёў з навучэнцамі старшыня Пружанскай раённай арганізацыі ГА “Беларускі саюз ветэранаў вайны ў Афганістане” В.М. Гарахавіцкі.

У экспазіцыі выставы “Афганістан – наш боль і памяць” прадстаўлены фотаматэрыялы і кнігі пра афганскую вайну, а таксама аформленыя навучэнцамі буклеты пра воінаў-інтэрнацыяналістаў, якія жывуць у аг. Лінова і в.Аранчыцы, і пра нашага земляка В.Бортніка, загінуўшага ў Афганістане і пахаванага на могілках в. Аранчыцы.

На класную гадзіну “Салдат вайну не выбірае” 9-класнікі запрасілі воіна-афганца Ю.А.Ільяшэвіча і протаіерэя В.Крашчука, настаяцеля Аранчыцкай Свята-Крыжаўзвіжанскай царквы. У форме адкрытага дыялогу ўсе ўдзельнікі мерапрыемства вялі шчырую размову аб доблесці і мужнасці, аб салдацкім доўгу і славе.

Члены піянерскай дружыны, якая носіць імя нашага земляка, воіна-інтэрнацыяналіста В.Бортніка, а таксама акцябраты – вучні 3 класа, якія наведваюць рознаўзроставую групу падоўжанага дня, прынялі ўдзел у патрыятычнай акцыі “В их судьбе была война».
15 лютага, у Дзень памяці воінаў-інтэрнацыяналістаў і 30-годдзя вываду савецкіх войск з Афганістана, вучні ўручылі ўдзельнікам баявых дзеянняў Барысевічу В.І., Антановічу В.І., Ільяшэвічу Ю.А., Кугачу А.І. памятныя паштоўкі і сувеніры.