Як мы адпачывалі

Канікулы – гэта магчымасць адпачыць ад урокаў, хатніх заданняў, ад цяжкай чвэрці.

Традыцыйна ў дні канікул педагагічным калектывам школы былі запланаваны мерапрыемствы рознай накіраванасці з улікам інтарэсаў навучэнцаў. На працягу ўсяго перыяду вясенніх канікул для навучэнцаў  былі адчынены дзверы спартзалы, бібліятэкі, актавай залы.У план былі ўключаны разнастайныя па змесце і накірунках мерапрыемствы: гульнявыя, інтэлектуальныя, конкурсныя праграмы, прафілактычныя гутаркі, онлайн-экскурсіі, фізкультурна-аздараўленчыя мерапрыемствы, арганізаваны прагулкі і гульні на свежым паветры.

Класныя кіраўнікі пачатковых класаў на вясенніх канікулах для сваіх вучняў арганізавалі экалагічныя экскурсіі “Прырода роднага краю”, у час якіх дзеці пазнаёміліся з вясеннімі з’явамі ў прыродзе: першымі раслінамі, якія ўжо зацвілі, мясцовым лебедзем, дзікімі качкамі, якіх пакармілі. Пабывалі на  мясцовым балотцы, дзе жывуць бабры. Узе разам весела правялі час і атрымалі шмат пазітыўных эмоцый  ад сумеснай прагулкі.