Напярэдадні Новага 2021 года ў нашай школе весела і цікава прайшлі святочныя мерапрыемствы 29.12.2020
Новы год-гэта адзін з самых любімых святаў і дзяцей, і дарослых. Усе мы чакаем цудаў, светлай казкі… Хтосьці загадвае жаданне і верыць, што яно абавязкова збудзецца ў надыходзячым годзе. Цікавую казку падрыхтавалі старшакласнікі для  вучняў 1-4 класаў. Адкрылі наш ранішнік вясёлыя і задорныя вядучыя. Яны плаўна перанеслі нас у чароўную казку. Сумаваць не прыйшлося. Яшчэ б! Бо на свяце адбываліся розныя прыгоды з удзелам Бабы Ягі, дамавога Кузі, Пачвары, добрых фей-вядучых, Дзеда Мароза і Снягуркі.
Захаванне ўсіх абмежавальных мер, звязаных з рызыкай распаўсюджвання  інфекцыі, ніяк не адбілася на святочнай праднавагодняй атмасферы.

Ад усёй душы віншуем з новым 2021 годам! Хай гэты год прынясе ўсім шмат шчасця, здароўя, поспехаў, усмешак, цяпла і святла. Хай ён будзе поўны яркіх фарбаў, прыемных уражанняў і радасных падзей. Жадаем усім міру, дабрабыту і шчасця! Хай у новым годзе ўсё атрымаецца і задуманае збудзецца!

Ежегодно в Пружанском районе в торжественной обстановке проводится церемония награждения талантливых детей и подростков «Дарование». Премия учреждена в целях морального, материального стимулирования и социальной поддержки детей и молодежи. Она присуждается учащимся школ, воспитанникам центров дополнительного образования, спортивных учреждений, а также участникам коллективов любительского творчества, которые добились высоких результатов на международном, республиканском и областном уровнях. Награды получили лучшие учащиеся нашей школы Щербович Анастасия, учащаяся 10 класса, Пекарская Александра, учащаяся 4 «А» класса, Гарасимчук Оксана, учащаяся 8 класса. Поздравляем учащихся и педагогов, желаем новых побед и свершений!

З 14 па 19 снежня ў нашай школе прайшоў Тыдзень энергазберажэння “Эканомія і беражлівасць – клопат кожнага”. Мэта тыдня – прывіццё навучэнцам навыкаў энергазберажэння і беражлівых адносін да прыродных рэсурсаў. У рамках Тыдня энергазберажэння былі праведзены шматлікія мерапрыемствы. На працягу тыдня працаваў энергапатруль “Беражлівасць – аснова поспеху”, праходзіла акцыя “Здай батарэйку – захавай прыроду!”, праведзены інфармацыйныя гадзіны “Беражлівасць – важная навука” для 1 – 4 класаў, “Навучымся беражлівасці – зэканомім грошы” для 5 – 11 класаў, класныя гадзіны “Пачні з сябе – увядзі эканомію ў прывычку”,  у вестыбюлі школы дэманстраваліся мультфільмы і відэаролікі на тэму энергазберажэння, вучні 8 класа выпусцілі агульнашкольную газету “Эканомія і беражлівасць – клопат кожнага”, вучні 1-4 класаў на перапынках займаліся размалёўкай Парад па энергазберажэнні, у школьнай бібліятэцы была арганізавана тэматычная выстава “Беражы і захоўвай”, завяршыўся Тыдзень у с уботу квэстам “Энергазберажэнне – справа для ўсіх, карысць для кожнага!” для вучняў 5 – 7 класаў.

12 снежня Continue reading →

В рамках Всемирной кампании против СПИДа и Всемирного дня профилактики СПИДа в ГУО “Линовская СШ” прошёл ряд тематических мероприятий: акции “Красная ленточка”, “Молодёжь против СПИДа!”, демонстрация видеороликов по профилактике ВИЧ-инфекции, тематические информационные часы.

У перыяд з 16 па 21 лістапада ў нашай школе прайшоў Тыдзень прафілактыкі шкодных звычак.  Тыдзень быў насычаны рознымі мерапрыемствамі, накіраванымі на фарміраванне здаровага ладу жыцця. Вось некаторыя з іх: інфармацыйная гадзіна “Правільнае харчаванне – залог здароўя”, віктарына “Азбука здароўя”, пазнаваўчая гадзіна “Прычыны камп’ютарнай залежнасці”, урок-разважанне “Дрэнныя звычкі”, абмен думкамі “Словы пра алкаголь”, шчырая размова “Не пракуры сваё жыццё”, дыскусія “Міфы пра наркотыкі”, гадзіна зносін “Новыя павевы моды і здароўе” і інш. У школьнай бібліятэцы была арганізована тэматычная выстава “Рашучае НЕ – тытуню!”, . відэа-калаж “Шкодныя звычкі”.

Вось ужо на працягу некалькіх год вучні нашай школы разам са сваімі  бацькамі пад кіраўніцтвам настаўнікаў прымаюць актыўны ўдзел у Рэспубліканскай выставе-конкурсе дэкаратыўна-прыкладной творчасці «Калядная зорка» і атрымліваюць не толькі раённыя ўзнагароды, але і абласныя. Гэты год не стаў выключэннем. Вучні 4 “А” класа пад кіраўніцтвам сваёй настаўніцы Жвалікоўскай Наталі Аляксандраўны з задавальненнем падрыхтавалі работы ў розных намінацыях: “Сімвал 2021”, “Зімовыя святы”, “Зімнія віды спорту”. Былі выкарыстаны такія тэхнікі, як бацік, пластылінаграфія, тэкстыль.

З 19 па 24 кастрычніка вучні нашай школы прынялі актыўны ўдзел у Тыдні гісторыі. Ім давялося адказваць на пытанні віктарыны, удзельнічаць у конкурсе красвордаў, рыхтаваць інфармацыю аб гістарычных асобах. Каманды  5 – 9 класаў паспрабавалі сябе ў інтэлектуальным спаборніцтве “Гістарычная мазаіка”, а дзесяцікласнікі і адзінаццацікласнікі ўдзельнічалі ў брэйн-рынгу “Свая гульня”. У рамках Тыдня  вучні 9 класа ўдзельнічалі ў выпуску гістарычнай газеты “Пружаншчына ў датах”. У шосты школьны дзень вучні 6-8 класаў наведалі выставу грошай розных эпох і прадметаў часоў Вялікай Айчыннай вайны, сталі ўдзельнікамі віртуальнага падарожжа “Замкі Беларусі”.

Ужо стала традыцыяй  у  Ліноўскай школе адзначаць Дзень Маці, таму 10 кастрычніка  стартаваў Тыдзень Маці. У рамках тыдня запланавана шмат мерапрыемстваў. Кожны дзень быў насычаным і цікавым. Адкрыла тыдзень  выстава– знаёмства “І гэта ўсё аб ёй – аб маці аб маёй ” пад кіраўніцтвам бібліятэкара школы Барташ Т.Г. У гэты ж дзень вучні 5-7 класаў удзельнічалі ў літаратурна-музычнай імпрэзе “Свет мяцярынскай любові”, якую арганізавалі работнікі Ліноўскай СБ. У 1-11 класах прайшлі інфармацыйныя гадзіны “Самае дарагое – мама” (1-4 кл.), “Свет прыгожы ўжо таму, што ў ім ёсць мама” (5-7 кл.), “Абарона мацярынства і дзяцінства ў Рэспубліцы Беларусь” (9-11 кл.).

Вучні 7 класа арганізавалі выпуск агульнашкольнай газеты “Усё на зямлі пачынаецца з жанчыны…”

Серада аказалася максімальна насычанай. Актыў піянерскай дружыны “Дружная” імя В.Ботрніка сустракаў усіх мам у фае школы з невялікімі сюрпрызамі. Віншаванні атрымалі і настаўнікі, работнікі школы, мамы, якія прыводзілі сваіх дзяцей на заняткі. Святочны настрой дапоўнілі песні аб маці, якія гучалі на кожным перапынку ў фае школы. Напярэдадні  свята быў падрыхтаваны стэнд, які для ўсіх у гэты дзень стаў фотазонай.

Пасля ўрокаў вучні школы выйшлі павіншаваць матуль на вуліцы нашага аграгарадка, а таксама заглянулі на мясцовыя прадпрыемствы.

Першы званок ужо празвінеў, і для усіх вучняў пачаўся новы навучальны год. А для першакласнікаў – хвалюючы, цікавы этап у жыцці: новае месца, новыя знаёмствы. Нашы навічкі знаёмяцца са школай, з яе работнікамі. За гэты  час ужо паспелі наведаць школьную бібліятэку і пазнаёміцца з яе загадчыцай Барташ Т.Г. Таццяна Генрыхаўна правяла для сваіх гасцей экскурсію па бібліятэцы, пазнаёміла новых чытачоў з літаратурай, якой яны могуць карыстацца ў час вучобы. Наведалі нашы першакласнікі і Ліноўскую СБ, з якой наша школа цесна супрацоўнічае. Таксама пазнаёміліся з загадчыцай бібліятэкі Антончык А.М., сталі ўдзельнікамі пазнавальна-гульнявой праграмы “Лавіся рыбка вялікая і малая”  і, спадзяёмся, стануць актыўнымі яе чытачамі!