Навіны
КТC «Кніжкіна бальніца»
КТC «Кніжкіна бальніца» прайшла ў бібліятэцы 6 лютага. Навучэнцы разам з класнымі кіраўнікамі і педагогам-арганізатарам дапамаглі падоўжыць жыццё кнігам.
Тыдзень прафарыентацыі
Надзвычай цікавым і змястоўным стаў мінулы тыдзень для вучняў і наставўнікаў нашай школы. Ён быў прысвечаны прафарыентацыі. Ва ўсіх класах прайшла адзіная інфармацыйная гадзіна “Прафесіі нашых бацькоў”.
Віншуем!
Віншуем удзельнікаў гурта “Лінькі” і іх кіраўніка Бяскроўную Людмілу Аляксандраўну з перамогай у раённым этапе VI Рэспубліканскага фестывалю фальклорнага мастацтва “Радавод”. Першае месца у намінацыі “Абрадавыя і пазаабрадавыя песні”.
У намінацыі “Фальклорная спадчына” (даследчая работа) віншуем Бяскроўнага Рамана (10 клас) і кіраўніка Бяскроўную Людмілу Аляксандраўну – першае месца.
Дзень талентаў. Субота 30.02
Дзень талентаў запрасіў вучняў 1-4 класаў на гульню “Адгадай мелодыю”. Удзельнікам трэба было не проста адгадаць словы песні ці мелодыі, але і зрабіць гэта як мага хутчэй, каб абагнаць саперніка. Мелодыі былі сабраны па раздзелах “Аб матулі”, “Школьныя”, “Аб раслінах”, “Аб жывёлах”, “Пра дружбу” і іншыя. Было весела і цікава.
Гурток “Умелыя ручкі”
Кожную суботу запрашае вучняў школы гурток “Умелыя ручкі”, кіраўніком якога з’яўляецца Жвалікоўская Наталля Аляксандраўна. Гурток працуе ў школе не першы год. Заняткі гуртка вучні наведваюць з задавальненнем. Наталля Аляксандраўна змагла захапіць усіх творчасцю. Дзеці з добрым настроем ідуць на кожны занятак, ствараюць шэдэўры і радуюцца вынікам сваёй дзейнасці. Наталля Аляксандраўна навучыць, як зрабіць ляльку, веласіпед-сувенір з каляровых нітак, і прыгожых птушак пасадзіць у клетку, зробленую сваімі рукамі, і вясёлыя сланечнікі заўсміхаюцца ў кампазіцыі.
Дзень дабрыні
У мінулую суботу Дзень дабрыні запрасіў усіх жадаючых. Пачаўся ён акцыяй “Дапаможам бліжняму”. Вучні 5-11 класаў дапамаглі расчысціць двары ад снегу былым настаўнікам-пенсіянерам і проста аднавяскоўцам.
Далей вучні 10-11 класаў наведалі мерапрыемства “І.Шамякін – чалавек вялікай душы”, якое было праведзена сумесна з Ліноўскай сельскай бібліятэкай.
Прагулка ў зімовы лес
23 студзеня семікласнікі школы пабывалі ў зімовым лесе, дзе яны каталіся з горкі, смажылі на кастры прынесенныя з дома сала і каўбасу, ласаваліся іншымі прысмакамі.
Гэты дзень прынёс усім удзельнікам прагулкі добры настрой, зарад энэргіі і бадзёрасці.
Вечар-партрэт па творчасці Івана Шамякіна
30 снежня народнаму пісьменніку Беларусі Івану Шамякіну споўнілася б 95 гадоў з дня нараджэння. З гэтай нагоды 23 снежня ў бібліятэцы прайшоў вечар-партрэт па творчасці Івана Шамякіна сумесна з сельскай бібліятэкай, дзейнічае кніжная выстава “Чалавек вялікай душы і таленту”, дзе дзеці могуць пазнаёміцца з творамі пісьменніка.
КТС “Сталоўка для птушак”
На працягу тыдня вучні пачатковых класаў разам з бацькамі з задавальненнем прынімалі удзел у КТС “Сталоўка для птушак”
Круглы стол “Праблема п’янства вачыма моладзі”
…Спакуса суправаджае нас па жыцці..
…Кусь… Ты паспрабаваў забароненае …
…Ням… Спадабалася…
…Ням-ням… Хочацца яшчэ і яшчэ…
А потым? Што потым?
Так не зусім звычайна пачала суботнюю сустрэчу з навучэнцамі 9 і 10 класаў, прысвечаную актуальнай зараз праблеме ўжывання моладдзю спіртных напояў, педагог сацыяльны Папека С.У. З дапамогай прэзентацыі падлеткі яшчэ раз прачулі вастрыню гэтай шкоднай з’явы, пазнаёміліся з вынікамі праведзенага папярэдне анкетавання сярод навучэнцаў школы, выказалі свае меркаванні ў дыскусіі “Ці згодны…”, экспертамі ў якой выступілі псіхолаг Вараб’ёва Н.І. і настаўнік МП школы Рычко Н.Р. Завяршылася мерапрыемства займальнымі і пазнаваўчымі практыкаваннямі.
