Шосты дзень
КВН-2016
Далей вучні 7-11 класаў прынялі ўдзел у КВЗ “А мы адпачываем так…”. 5 каманд прадэманстраваі знаходлівасць, творчасць, дасціпнасць. Спаборнічалі каманды ў двух конкурсах: вітанне і дамашняе заданне. Конкурс выявіў не толькі акцёрскія здольнасці удзельнікаў, але і рэжысёрскія. Вучні паказалі сур’ёзны ўзровень падрыхтоўкі, крэатыўнасць мыслення. У выніку ўпорнай барацьбы пераможцам стала каманда 10 класа, каманда 11 класа – 2 месца, каманда 9 класа – 3 месца. Віншуем пераможцаў!
Конкурсная праграма “Сапраўдныя хлопцы”
У суботу 20 лютага хлопчыкі 5-8 класаў прынялі ўдзел у конкурснай праграме “Сапраўдныя хлопцы”, прысвечанай Дню абаронца Айчыны.
Літаратурная вечарына “Дала мне маці гэту мову”
Літаратурная вечарына “Дала мне маці гэту мову” прайшла 20 лютага да Міжнароднага дня роднай мовы.
Вусны часопіс “У сяброўстве – моц!”
Праз гады, праз адлегласці…
6 лютага ў Ліноўскай СШ адбыўся вечар сустрэчы з выпускнікамі. Кожны год нашу школу пакідаюць 11-класнікі і на змену ім прыходзяць маленькія вучні-першакласнікі. Мяняюцца дзеці, мяняюцца настаўнікі, але школа застаецца. І так прыемна бачыць у школе кожны год родныя твары выпускнікоў.
КТC «Кніжкіна бальніца»
КТC «Кніжкіна бальніца» прайшла ў бібліятэцы 6 лютага. Навучэнцы разам з класнымі кіраўнікамі і педагогам-арганізатарам дапамаглі падоўжыць жыццё кнігам.
Дзень талентаў. Субота 30.02
Дзень талентаў запрасіў вучняў 1-4 класаў на гульню “Адгадай мелодыю”. Удзельнікам трэба было не проста адгадаць словы песні ці мелодыі, але і зрабіць гэта як мага хутчэй, каб абагнаць саперніка. Мелодыі былі сабраны па раздзелах “Аб матулі”, “Школьныя”, “Аб раслінах”, “Аб жывёлах”, “Пра дружбу” і іншыя. Было весела і цікава.
Гурток “Умелыя ручкі”
Кожную суботу запрашае вучняў школы гурток “Умелыя ручкі”, кіраўніком якога з’яўляецца Жвалікоўская Наталля Аляксандраўна. Гурток працуе ў школе не першы год. Заняткі гуртка вучні наведваюць з задавальненнем. Наталля Аляксандраўна змагла захапіць усіх творчасцю. Дзеці з добрым настроем ідуць на кожны занятак, ствараюць шэдэўры і радуюцца вынікам сваёй дзейнасці. Наталля Аляксандраўна навучыць, як зрабіць ляльку, веласіпед-сувенір з каляровых нітак, і прыгожых птушак пасадзіць у клетку, зробленую сваімі рукамі, і вясёлыя сланечнікі заўсміхаюцца ў кампазіцыі.
Дзень дабрыні
У мінулую суботу Дзень дабрыні запрасіў усіх жадаючых. Пачаўся ён акцыяй “Дапаможам бліжняму”. Вучні 5-11 класаў дапамаглі расчысціць двары ад снегу былым настаўнікам-пенсіянерам і проста аднавяскоўцам.
Далей вучні 10-11 класаў наведалі мерапрыемства “І.Шамякін – чалавек вялікай душы”, якое было праведзена сумесна з Ліноўскай сельскай бібліятэкай.
Прагулка ў зімовы лес
23 студзеня семікласнікі школы пабывалі ў зімовым лесе, дзе яны каталіся з горкі, смажылі на кастры прынесенныя з дома сала і каўбасу, ласаваліся іншымі прысмакамі.
Гэты дзень прынёс усім удзельнікам прагулкі добры настрой, зарад энэргіі і бадзёрасці.
