ЭКСКУРСІЯ Ў МЕМАРЫЯЛЬНЫ КОМПЛЕКС “ХАТЫНЬ” І ГІСТОРЫКА-КУЛЬТУРНЫ КОМПЛЕКС “ЛІНІЯ СТАЛІНА”

“Мы жывыя, пакуль жывая памяць”. Навучэнцы і педагогі Ліноўскай сярэдняй школы наведалі мемарыяльны комплекс “Хатынь” і гісторыка-культурны комплекс “Лінія Сталіна”.
Хатынь… Гэтую вёску ўжо не знайсці на карце Беларусі. Увесну 1943 года яна разам з усімі жыхарамі была знішчана фашыстамі. Загінулі 149 чалавек, у тым ліку 75 дзяцей. На месцы спаленых дамоў быў створаны мемарыяльны комплекс з аднайменнай назвай “Хатынь”. Мемарыял стаў сімвалам для ўсёй краіны, для ўсіх знішчаных у гады Вялікай Айчыннай вайны пасёлкаў і вёсак. І сёння, успамінаючы Хатынь, мы ўспамінаем тысячы іншых беларускіх вёсак, сцёртых з карты жорсткасцю нямецка-фашысцкіх захопнікаў.
Дзеці акунуліся ў той далёкі і страшны час – час Вялікай Айчыннай вайны.
У час наведвання гісторыка-культурнага комплекса “Лінія Сталіна” навучэнцы пазнаёміліся з усёй экспазіцыяй, якая якая стаяла на ўззбраенні ў розныя гады: ваеннай тэхнікай, артылерыяй, танкамі, авіяцыяй, стралковай зброяй.
Падчас экскурсіі  агледзелі адрэстаўрыраваныя доты (доўгачасовыя агнявыя кропкі) з артылерыйскімі баявымі разлікамі, кулямётамі, снарадамі і іншай адпаведнай атрыбутыкай, прайшлі па траншэях і змаглі ўявіць, як падчас баявых дзеянняў па іх перасоўваліся салдаты. Экспазіцыя ваеннай тэхнікі, артылерыі, авіяцыі і зброі вельмі ўразіла дзяцей і дарослых.