Гучыць “Жывая класіка”

У Ліноўскай сярэдняй школе адбыўся школьны этап конкурсу чытальнікаў “Жывая класіка”. На школьным этапе дзеці дэкламавалі вершы беларускіх паэтаў – Пімена Панчанкі, Анатоля Вярцінскага, Рыгора Барадуліна і іншых беларускіх паэтаў. Усе ўдзельнікі школьнага этапу конкурсу атрымалі дыпломы ўдзельнікаў конкурсу, пераможцы конкурсу яшчэ і памятныя падарукнкі! “Жывая класіка” – гэта сумесны праект Міністэрства інфармацыі, адукацыі, Саюза пісьменнікаў і ЗАТ “Сталічнае тэлебачанне”. Удзел у ім прымаюць юнакі і дзяўчаты з усёй Рэспублікі Беларусь. Узроставых абмежаванняў для ўдзельнікаў няма. Тут куды важней любоў да літаратурнага мастацтва, роднай мовы і творчай спадчыны.