Міжнародны дзень памяці ахвяр СНІДу

17 мая нвучэнцы 7-8 класаў Ліноўскай сярэдняй школы прынялі ўдзел у падрыхтоўцы калажа “Ахвяры страшнай хваробы” да Дня памяці ахвяр СНІДу. Дарэчы, Міжнародны дзень памяці ахвяр СНІДу праводзіцца ў трэцюю нядзелю мая, сёлета ён прайшоў 18 мая. У гэты дзень сусветная супольнасць шануе тых, хто аддаў свае сілы барацьбе са СНІДам і дапамагаў людзям, якія жывуць з вірусам імунадэфіцыту чалавека (ВІЧ). Па дадзеных Сусветнай арганізацыі аховы здароўя, з пачатку эпідэміі СНІД стаў прычынай смерці больш за 40 мільёнаў чалавек па ўсім свеце. Даволі даўно вядома, што СНІД-індыкатарныя захворванні з’яўляюцца не адразу. Гэта пэўны маркер, які сігналізуе аб працяглым развіцці ВІЧ-інфекцыі і зніжэнні ўзроўню імуннай абароны. Сучасная дыягностыка дазваляе выяўляць ВІЧ на ранніх этапах, а антырэтравірусная тэрапія (АРТ) здольная знізіць колькасць ВІЧ у арганізме пацыента да ўзроўняў, бяспечных для яго асяроддзя і яго ўласнай імуннай сістэмы. Такі эфект ад АРТ дазваляе гаварыць пра рэальнасць выкаранення СНІД у недалёкай будучыні. Галоўная мэта сусветнай супольнасці – перамагчы СНІД да 2030 года