педагагічны савет “Сістэмна-дзейнасны падыход як умова павышэння якасці навучання”

Адной з метадалагічных асноў адукацыйнага стандарту агульнай сярэдняй адукацыі, зацверджанага пастановай Міністэрства адукацыі Рэспублікі Беларусь ад 26.12.2018                       № 125, з’яўляецца сістэмна-дзейнасны падыход, які ўяўляе сабой сукупнасць поглядаў і спосабаў праектавання і арганізацыі адукацыйнага працэсу, дзе навучэнец як суб’ект навучання і выхавання займае актыўную пазіцыю, а дзейнасць з’яўляецца асновай, сродкам і ўмовай развіцця яго асобы; навучанне і выхаванне ажыццяўляецца праз актывізацыю дзейнасці навучэнца.

Як навучаць дзяцей дзейнасці і прывіваць ім уменне аптымальна яе арганізаваць, як дапамагчы вучням  сфарміраваць уменне кантролю і самакантролю, ацэнкі і самаацэнкі, як навучыць знаходзіць свае спосабы дзейнасці? Над вырашэннем гэтых пытанняў працавалі педагогі школы падчас пасяджэння педагагічнага савета “Сістэмна-дзейнасны падыход як умова павышэння якасці навучання” 31 сакавіка 2022 г.

Настаўнікі Бабкоўская Л.С., Гук М.М., Ільяшэвіч А.М., Петруковіч А.К. падзяліліся з калегамі напрацоўкамі па прымяненні сістэмна-дзейнаснага падыходу ў выкладанні прадметаў “Руская мова”, “Руская літаратура”, “Нямецкая мова”, “Матэматыка”, “Фізіка”.

Педагогі Жвалікоўская Н.А. і Хмара І.А. прадставілі прысутным эпізоды ўласных відэаўрокаў па фарміраванні прадметных уменняў і навыкаў навучэнцаў 1-х класаў.