прывітанне, лета!

Лета – час гульняў, забаў, свабоды ў выбары заняткаў, аднаўлення здароўя. Арганізацыя прышкольнага аздараўленчага лагера – адна з самых цікавых і важнейшых форм работы са школьнікамі ў летні перыяд. Лагер выконвае вельмі важную місію аздараўлення і выхавання дзяцей.

Для вучняў 1-8 класаў нашай школы 2 чэрвеня адчыніў свае дзверы прышкольны  лагер “Вясёлка”.  Мэта лагернай змены ўключае ў сябе стварэнне ўмоў, якія забяспечваюць паўнавартасны адпачынак дзяцей, іх аздараўленне, творчае развіццё і пазнавальную актыўнасць.

Важнымі задачамі работы летняга лагера з’яўляецца:

– прыцягнуць кожнае дзіця да ўсвядомленага выбару здаровага ладу жыцця;
– стварыць умовы для прыцягнення дзяцей да ўдзелу ў культурна-масавай і спартыўнай рабоце;
– пашырыць праз гульнявы сюжэт рухальную актыўнасць дзіцяці з улікам іх індывідуальных і ўзроставых асаблівасцей;
– выхоўваць грамадзянскія і маральныя якасці, развіваць творчае мысленне неабходнае для практычнай дзейнасці, пазнання, арыентацыі ў навакольным свеце.

На працягу 18 дзён дзяцей чакаюць цікавыя падзеі, кожны зможа спасцігнуць гарызонты новага і нязведанага.

Насычаным выдаўся першы дзень знаходжання ў лагеры. У рамках падзей – спартыўна-забаўляльнае мерапрыемства “Прысвячэнне ў адпачывальнікі”, інфармацыйная гадзіна “Бяспечнае прыбыванне ў лагеры”. Таксама дзеці  сталі удзельнікамі мерапрыемстваў, праведзеных сумесна з Ліноўскай сельскай бібліятэкай – свята “Казачнае лета” і з Ліноўскім домам культуры – дзіцячая гульнявая праграма “Няхай заўсёды будзе сонца”.