“Віншаванні дарагой матулі!”

Разам з вясной да нас прыходзіць  свята-Міжнародны жаночы дзень 8 сакавіка. Свята Вясны! Гэты дзень асаблівы, ён сагрэты промнямі сонца, жаночымі ўсмешкамі, упрыгожаны россыпам кветак, пяшчотай.

Напярэдадні свята ў нашай школе прайшлі святочныя мерапрыемствы, прысвечаныя жаночаму дню. Адкрылі святочны марафон падрыхтоўкай фотазоны для стварэння святочнага настрою.  У пятніцу вучні  нашай школы падрыхтавалі музычныя віншаванні для  настаўнікаў, мам, дзяўчынак. Актывісты  ГА “БРПА”, “БРСМ” падрыхтавалі акцыю “Віншаванні дарагой матулі”. У холе 1 паверха  навучэнцы маглі набыць віншавальную паштоўку для сваіх блізкіх. У класных калектывах праводзілі конкурсы, віншавалі дзяўчынак, настаўнікаў са святам. У школе панавала святочная атмасфера.