збор-квэст піянерскай дружыны “цяжка ў вучэнні – лёгка ў баі!”

25 лютага ў ДУА “Ліноўская СШ” у рамках шостага школьнага дня прайшоў збор-квэст піянерскай дружыны “Цяжка ў вучэнні – лёгка ў баі”. Атрады спаборнічалі ў спрытнасці, хуткасці, кемлівасці.
Кожны атрад атрымаў маршрутны ліст з указаннем шляху следавання. Пасля ўрачыстага прывітання піянеры адправіліся пакараць станцыі: «Салдацкая кемлівасць», «Ваенная трывога», «Перахопленая шыфроўка», «Патрап ў мішэнь», «Ваенныя пытанні».
Але самым захапляльным і інтрыгуючым конкурсам стаў сэлфі-конкурс “Разведчыкі”. Атрады атрымалі лісты з фотаздымкамі “засакрэчаных” аб’ектаў – розных куткоў школы: навучальных класаў, калідораў, фае, бібліятэкі і інш. Для ўдзельнікаў была пастаўлена наступная задача: знайсці “засакрэчаныя” элементы, зрабіць з імі сэлфі на тэлефон камандзіра атрада.
Піянерскія атрады папрацавалі на славу: праявілі ўважлівасць, кемлівасць, шпаркасць і спрыт. А галоўнае – уменне сябраваць і працаваць у камандзе!
Па выніках усіх конкурсаў перамогу атрымаў атрад “Дэльфіны”. Атрад-пераможца быў узнагароджаны граматай і атрымаў галоўны прыз – торт. Астатнія ўдзельнікі атрымалі салодкія прызы.