КАНІКУЛЫ – ЧАС ДЛЯ КАРЫСНЫХ І ЦІКАВЫХ СПРАЎ

Весела, цікава і пазнавальна прайшлі канікулы ў вучняў Ліноўскай школы. Навучэнцы разам са сваімі класнымі кіраўнікамі наведалі г. Брэст, пабывалі ў кінатэатры, боўлінг клубе, прагуляліся па прыгожых вуліцах горада. У Пружанах наведалі Лядовы палац, кінатэатр “Спадарожнік”, жывы куток у ДУА “ЦТДМ”. Многія прымалі ўдзел у велапаходзе “Сцяжынкамі роднага краю”, паходзе ў асенні лес “Дарогамі малой Радзімы”, наведалі Аранчыцкі Дом фальклору.

Для вучняў 5-11 класаў быў арганізаваны вечар адпачынку “Восеньскі баль”. Дзяўчаты і хлопцы 5, 8 класаў падрыхтавалі цікавыя конкурсы, віктарыны, танцы.