Профарыентацыйная сустрэча

Прафесій шмат, а трэба спыніцца на адной. Вырашыўшы стаць афіцэрам, малады чалавек авалодае прэстыжнай і запатрабаванай спецыяльнасцю, якая дазволіць з упэўненасцю глядзець у будучыню. Менавіта такую магчымасць прадастаўляе Ваенная акадэмія, якая з’яўляецца галоўным носьбітам традыцый ваеннай адукацыі Узброеных Сіл Рэспублікі Беларусь. 10 лютага адбылася сустрэча адзінаццацікласнікаў Ліноўскай школы з курсантам УА “Ваенная акадэмія Рэспублікі Беларусь” Раўнейка Д.Ю.  Навучэнцы даведаліся, што асноўнымі структурнымі падраздзяленнямі Акадэміі з’яўляюцца 11 факультэтаў, 7 з якіх прымаюць абітурыентаў са школы. Школьнікі атрымалі інфармацыю аб тым, якіх спецыялістаў рыхтуюць на кожным з  факультэтаў, у якіх галінах грамадзянскай сферы можна ўжыць атрыманыя ў Акадэміі веды. Працягласць навучання ў сярэднім складае 4 гады.  Па заканчэнні прысвойваецца афіцэрскае званне лейтэнант. Таксама на працягу вучобы ў Акадэміі ёсць магчымасць здаць іспыты ў ДАІ і пасля атрымаць вадзіцельскае пасведчанне.