Пажарна-прафілактычная акцыя “За бяспеку разам” пройдзе ў Беларусі 2-19 красавіка

Прафілактычная акцыя ў жылым фондзе “За бяспеку разам”, у якой прымуць удзел розныя дзяржорганы і арганізацыі, пройдзе ў Беларусі з 2 па 19 красавіка. Пра гэта БЕЛТА паведамілі ў МНС Беларусі.

Ратавальнікі акажуць дапамогу органам дзяржкіравання і мясцовым уладам у навучанні грамадзян мерам пажарнай бяспекі ў побыце і на вытворчасці. У акцыі акрамя МНС будуць задзейнічаны МУС, Мінпрацы, Мінжылкамгас, Мінінфарм, Мінэнерга і іншыя. Асноўная мэта – знізіць колькасць пажараў з-за парушэнняў правілаў бяспекі. Акрамя таго, арганізатары маюць намер павысіць інфармаванасць людзей пра магчымасці дзяржарганізацый па аказанні паслуг у сферы забеспячэння пажарнай бяспекі, умацаванню правапарадку, папярэджанні правапарушэнняў. Акцыя накіравана і на працу з сем’ямі, дзе дзеці знаходзяцца ў сацыяльна небяспечным становішчы. Закрануць мерапрыемства таксама шматдзетныя сем’і, адзінокіх пажылых грамадзян, інвалідаў – будзе ацэненая і актывізавана работа па забеспячэнню сацыяльнай дапамогай. “Гэта тычыцца абсталявання дамоў аўтаномнымі пажарнымі апавяшчальнікамі, работ па рамонце печаў, электраправодкі, навядзенні парадку на тэрыторыі, – адзначылі ў МНС. – Яшчэ раз будзе звернута ўвага на недапушчальнасць пакідання дзяцей без нагляду”. Пагавораць і з нядобранадзейнымі грамадзянамі, тлумачальная праца пройдзе і з тымі, хто пражывае з імі па суседстве, – раскажуць, што рабіць і куды звяртацца, каб не стаць ахвярай пажару. Акрамя таго, будуць правераны гарышчы, падвалы і месцы агульнага карыстання ў шматкватэрных дамах. Абследуюць і пустуючыя дамы, будынкі і збудаванні. Будуць праінфармаваныя мясцовыя органы ўлады для рэагавання ў адпаведнасці з заканадаўствам.