Урачысты прыём у піянеры ў Брэсцкай крэпасці!

9 чэрвеня 2021 года навучэнцы 4 класаў разам з класнымі кіраўнікамі Жвалікоўскай Н.А. і Хмарай І.А.  наведалі “Брэсцкую крэпасць-герой”, дзе прайшоў урачысты прыём у шэрагі Беларускай рэспубліканскай піянерскай арганізацыі. Навучэнцы з заміраннем сэрца чакалі рытуал павязвання чырвона-зялёных гальштукаў.

У  хлапчукоў і дзяўчынак заіскрыўся на грудзях піянерскі гальштук, сімвал адданасці сваёй Радзіме і піянерскай арганізацыі. Мы рады вітаць юных піянераў у нашай вялікай і дружнай сям’і – піянерскай дружыне “Дружная” імя Васіля Бортніка.

У ДУА “Ліноўская СШ” створаны ўсе ўмовы для развіцця ініцыятывы навучэнцаў, фарміравання іх лідарскіх якасцяў. Педагогі разумеюць: час патрабуе развіцця актыўнасці і творчай ініцыятывы кожнага грамадзяніна сваёй краіны, яго высокай асабістай, усвядомленай адказнасці перад грамадствам. Выхаванне гэтых якасцяў пачынаецца з вучнёўскай пары.

Мы ўпэўненыя ў тым, што навучэнцы будуць праяўляць свае лідарскія якасці, актыўна ўдзельнічаць у жыцці школы і грамадскага аб’яднання «БРПА».

Таксама ў рамках культурнай праграмы  наведалі парк атракцыёнаў у Брэсце.