З 12 па 17 верасня ў школе прайшоў тыдзень фізічнай культуры і здароўя.

Спаборніцтвы па баскетболе, настольным тэнісе сярод 7 – 11 класаў, рухомыя гульні навучэнцаў пачатковай школы садзейнічалі фарміраванню ўстойлівых навыкаў здаровага ладу жыцця.

Завяршыўся тыдзень суботнім валейбольным турнірам паміж зборнымі камандамі ДУА «Ліноўская СШ» і ДУА «Слабадская СШ».

Спрыт і хуткасць паказалі ў гэты дзень малодшыя школьнікі падчас легкаатлетычнай эстафеты.

Таксама ў суботу навучэнцы 5-8 класаў прынялі ўдзел у мерапрыемствах, прысвечаных Дню бібліятэк: пабывалі на бібліятэчным вечары «Дзень добры, кніга», прадэманстравалі веды ў інтэлектуальнай гульні «Бібліярынг для эрудытаў».

Пазнавальна-конкурсныя праграмы падрыхтавалі і правялі сумесна з навучэнцамі школы супрацоўнікі Ліноўскай сельскай бібліятэкі, з якой наладжана актыўнае супрацоўніцтва.