Тыдзень бяспечнага дарожнага руху

Новы навучальны  2019/2020 год пачаўся з Тыдня бяспекі, які прайшоў з 5 па 6 верасня. Пачаўся ён тэматычнай інфармацыйнай гадзінай “Бяспечныя паводзіны на дарогах – абавязак кожнага”.   На працягу тыдня для самых маленькіх вучняў школы быў арганізаваны прагляд мультыплікацыйных фільмаў “Азбука бяспекі на дарогах”, сустрэча з работнікамі чыгуначнай станцыі Аранчыцы.

У рамках “Адзінага дня бяспекі” для вучняў 1-11 класаў у школе прайшла акцыя “Дарога – сімвал жыцця”, галоўная мэта якой – пабудзіць як мага болей людзей задумацца над тым, што яны могуць зрабіць, каб дарогі сталі бяспечнымі. Для вучняў старэйшых класаў была арганізавана сустрэча з Ліпко В.В., старшым інспектарам групы прапаганды і ўзаемадзеяння з грамадскасцю Пружанскага РАНС, якая падрыхтавала цікавыя і карысныя заданні. Завяршылася сустрэча праглядам відэафільма “Урокі пажарнай бяспекі і бяспекі падлеткаў”.

Завяршыўся тыдзень выставай малюнкаў “Я ведаю і выконваю правілы дарожнага руху”.