Тыдзень прафілактыкі шкодных залежнасцей

З 11 па 16 лістапада ў школе праходзіў Тыдзень прафілактыкі шкодных залежнасцей. У рамках тыдня былі праведзены розныя мерапрыемствы, накіраваныя на фарміраванне ў навучэнцаў свядомага негатыўнага стаўлення да курэння, ужывання алкаголю і наркотыкаў, прапаганды ЗОЖ.

Вучні малодшых класаў на працягу тыдня з задавальненнем удзельнічалі ў рухомых перапынках “Быць здаровым – здорава!”, у час якіх можна было патанцаваць, паспяваць, а старэйшыя  юнакі і дзяўчаты – у рухомых перапынках “Выбірай спорт і фізкультуру!”.

Вучні 2-4 класаў прымалі ўдзел у выставе калажаў “За здаровую нацыю: мы супраць шкодных залежнасцей!”, а першакласнікі малявалі на тэму “Звычкі добрыя і дрэнныя”.

У чацвер старшакласнікі ўдзельнічалі ў абмеркаванні кіналекторыя “Навукаманія. Уся праўда пра ВІЧ” разам з урачом-эпідэміёлагам Сямёнавай А.С. Малодшыя  школьнікі гаварылі на тэму “Маё здароўе ў маіх руках”.

Пятніца аказалася вельмі насычанай для вучняў нашай школы, якія ўдзельнічалі ў акцыі “Памяняй цыгарэту на канфету!” пад кіраўніцтвам педагога-арганізатара Куш М.Г. і бібліятэкара школы Барташ Т.Г.

Завяршыўся тыдзень таварыскай сустрэчай па валейболе нашых юнакоў і дзяўчат з навучэнцамі ДУА “Слабадская СШ”. Вучні 5-8 класаў прымалі ўдзел у ток-шоу “Камп’ютарныя гульні: за і супраць”, у абмеркаванні дакументальнага фільма “Рабы камп’ютара” пад кіраўніцтвам педагога сацыяльнага Папекі С.У. Бібліятэкар Барташ Т.Г. правяла бліц-апытванне сярод вучняў 9-11 класаў “Не куру, таму што…”  Для юнакоў і дзяўчат нашай школы сумесна з работнікамі Ліноўскай СБ быў арганізаваны вечар-памфлет “Я супраць курэння, а ты?”. Вучні актыўна выказвалі сваю пазіцыю наконт звычак, іх уплыву на жыццё чалавека, вылучылі шэраг важных карысных звычак, неабходных чалавеку.