Першы званок ужо празвінеў, і для усіх вучняў пачаўся новы навучальны год. А для першакласнікаў – хвалюючы, цікавы этап у жыцці: новае месца, новыя знаёмствы. Нашы навічкі знаёмяцца са школай, з яе работнікамі. За гэты  час ужо паспелі наведаць школьную бібліятэку і пазнаёміцца з яе загадчыцай Барташ Т.Г. Таццяна Генрыхаўна правяла для сваіх гасцей экскурсію па бібліятэцы, пазнаёміла новых чытачоў з літаратурай, якой яны могуць карыстацца ў час вучобы. Наведалі нашы першакласнікі і Ліноўскую СБ, з якой наша школа цесна супрацоўнічае. Таксама пазнаёміліся з загадчыцай бібліятэкі Антончык А.М., сталі ўдзельнікамі пазнавальна-гульнявой праграмы “Лавіся рыбка вялікая і малая”  і, спадзяёмся, стануць актыўнымі яе чытачамі!

28 сакавіка – экспрэс-выстава “Навінкі кніжнага сусвету”. Запрашаюцца ўсе тыя, хто марыць баразніць прасторы Сусвету! Разам з героямі казак мы адправімся ў займальныя касмічныя падарожжы.

29.02 у бібліятэцы будзе аформлена кніжная выстава па выніках рэйду-праверкі школьных падручнікаў. Спяшайцеся даведацца пра лепшых…

25 студзеня ў бібліятэцы была аформлена кніжная выстава да 160-годдзя з дня нараджэння А.П. Чэхава. Дзеці пазнаёміліся з творчасцю пісьменніка і з галоўнымі героямі яго расказаў: “Хлопчыкі”, “Чалавек у футляры”, “Каштанка”. Прагледзілі буктрэллер па кнізе “Вішнёвы сад”.

Падарожжа па творах Міхася Лынькова прайшло ў бібліятэцы да 120-годдзя з дня нараджэння пісьменніка.  Таксама была аформлена кніжная выстава “Проза Міхася Лынькова”, адкуль дзеці маглі ўзяць падабаўшыеся ім творы.

У рамках тыдня дзіцячых і маладзёжных грамадскіх арганізацый у бібліятэцы была аформлена тэматычная выстава “Моладзь Беларусі”. А ў суботу акцябраты прынялі ўдзел у КТС “Дапаможам кніжкам”.

Да тыдня прафілактыкі шкодных звычак бібліятэкай сумесна з пед. арганізатарам была арганізавана акцыя “Памяняй цыгарэту на цукерку”.

Літаратурная гасціная “І зноў прыходзіць пара лістапада” была праведзена на асенніх канікулах сярод дзяцей 3 – 6 класаў.

Выстава – прэзентацыя “Каб ішлося ў ногу з векам, ты прыходзь у бібліятэку” прайшла 26 кастрычніка ў бібліятэцы да Міжнароднага дня школьных бібліятэк. Дзеці чыталі вершы, адказвалі на пытанні віктарыны, згодзіліся з настаўнікамі, што менавіта са школьнай бібліятэкі пачынаюцца ўсе веды і школьная бібліятэка становіцца сапраўдным памочнікам у вучобе, сябрам і дарадчыкам для кожнага з іх.

Буктрэллер па кнізе “Герой нашага часу” да 205-годдзя з дня нараджэння М.Ю.Лермантава адбыўся 19 кастрычніка ў бібліятэцы.

Continue reading →