Традыцыйна кожную зіму  ў нашай школе праходзіць акцыя “Дапамога бліжняму”, у ходзе якой піянеры і валанцёрскі клуб “Клопат” дапамагаюць расчысціць заснежаныя двары тым, для каго абільныя снегапады ператвараюцца ў сапраўдную праблему.

Гэтай зімой прырода сапраўды падносіць нам сюрпрызы – на тым тыдні зноў прайшоў моцны снегапад. Узброіўшыся лапатамі, дружны дэсант школьнікаў узяўся за справу.

Піянеры наведалі ветэранаў педагагічнай працы, адзінокіх пажылых людзей і расчысцілі ад снегу іх прыдваровыя тэрыторыі. Аперацыя “Дапамога бліжняму” прадоўжыцца да канца зімняга перыяду.

Члены валанцёрскага атрада плануюць і далей аказваць пасільную дапамогу адзінокім і пажылым людзям, інвалідам і ветэранам працы. Тым больш, што ў навучэнцаў ёсць усё неабходнае для работы – рыдлёўкі і жаданне зрабіць добрую справу.

Усе на лыжню! – пад такім дэвізам пачаўся шосты школьны дзень 13 лютага для усіх вучняў нашай школы. Зіма даўно ўжо не радавала нас такой марознай і снежнай пагодай. Бегавыя лыжы – гэта адзін з самых даступных і простых зімовых відаў спорту, які вельмі хутка асвойваецца навічкамі і прыносіць масу задавальнення і карысці для здароўя. Для таго, каб хадзіць на бегавых лыжах, няма неабходнасці шукаць спецыяльныя трасы або з’язджаць далёка ад дома. Лыжы ўмацоўваюць апорна-рухальную, дыхальную, нервовую і сардэчна-сасудзістую сістэмы, развіваюць каардынацыю рухаў і вынослівасць. Заняткі лыжным спортам – адно з самых гарманічных і эфектыўных сродкаў развіцця арганізма чалавека.

Далей вучні наведалі тэматычную выставу да Дня памяці воінаў-інтэрнацыяналістаў “Афганская вайна ў лёсе нашых землякоў”. Разам з бліятэкарам школы Дземідовіч Ю.Ф. пазнаёміліся з тэматычнай літаратурай, паглядзелі відэаролік “У памяць аб воінах-інтэрнацыяналістах”, а таксама відэаролікі, якія падрыхтавалі вучні 11 класа Шчэрба У. і Кіцель Ц. да ўдзелу ў конкурсе «Боль маёй душы – Афганістан» і атрымалі прызавыя месцы.

Вучні 8 класа сталі ўдзельнікамі гадзіны здароўя “Шкодная пяцёрка і карысная дзясятка” і абмеркавалі пытанне карыснага харчавання.

Дзевяцікласнікі паглядзелі і абмеркавалі дакументальны фільм “Ежа жывая і мёртвая”.

Вучні 5-6 класаў наведалі выставу “Вялікі аматар і знаўца роднай прыроды” і сталі ўдзельнікамі літаратурнай вандроўкі “Чароўны свет кніг Уладзіміра Ягоўдзіка” у Ліноўскай сельскай бібліятэцы, з якой мы цесна супрацоўнічаем.

16 студзеня

Continue reading →

З 14 па 19 снежня ў нашай школе прайшоў Тыдзень энергазберажэння “Эканомія і беражлівасць – клопат кожнага”. Мэта тыдня – прывіццё навучэнцам навыкаў энергазберажэння і беражлівых адносін да прыродных рэсурсаў. У рамках Тыдня энергазберажэння былі праведзены шматлікія мерапрыемствы. На працягу тыдня працаваў энергапатруль “Беражлівасць – аснова поспеху”, праходзіла акцыя “Здай батарэйку – захавай прыроду!”, праведзены інфармацыйныя гадзіны “Беражлівасць – важная навука” для 1 – 4 класаў, “Навучымся беражлівасці – зэканомім грошы” для 5 – 11 класаў, класныя гадзіны “Пачні з сябе – увядзі эканомію ў прывычку”,  у вестыбюлі школы дэманстраваліся мультфільмы і відэаролікі на тэму энергазберажэння, вучні 8 класа выпусцілі агульнашкольную газету “Эканомія і беражлівасць – клопат кожнага”, вучні 1-4 класаў на перапынках займаліся размалёўкай Парад па энергазберажэнні, у школьнай бібліятэцы была арганізавана тэматычная выстава “Беражы і захоўвай”, завяршыўся Тыдзень у с уботу квэстам “Энергазберажэнне – справа для ўсіх, карысць для кожнага!” для вучняў 5 – 7 класаў.

 Не бойтесь дарить согревающих слов

И добрые делать дела:

Чем больше в огонь вы положите дров, –

  Тем больше вернётся тепла.

(Омар Хайям)

Милосердие – это добро, которое нельзя увидеть, но можно почувствовать в наших делах, поступках, мыслях.

В ГУО «Линовская СШ» стартовала благотворительная акция «Чудеса на Рождество». Первым её этапом стал сбор средств на подарки к Новому году детям-инвалидам. Учащиеся школы приняли активное участие в этой акции. Были закуплены сладкие подарки, памперсы, детские каши и многое другое.

ГУО «Линовская СШ» выражает благодарность учащимся, родителям и классным руководителям за общую проделанную работу. Мы делаем одно большое важное дело – заботимся и поддерживаем тех, кто в этом нуждается. Спешите делать добро!

Мир загадочный, огромный!

Посмотри, какой он добрый!

Так давай и я, и ты

Ему добавим доброты!

#Чудесанарождество

21 лістапада ў школьнай бібліятэцы прайшла літаратурна-музычная вечарына “Быў. Ёсць. Буду”, прысвечаная 90-годдзю з дня нараджэння пісьменніка У. Караткевіча.

У перыяд з 16 па 21 лістапада ў нашай школе прайшоў Тыдзень прафілактыкі шкодных звычак.  Тыдзень быў насычаны рознымі мерапрыемствамі, накіраванымі на фарміраванне здаровага ладу жыцця. Вось некаторыя з іх: інфармацыйная гадзіна “Правільнае харчаванне – залог здароўя”, віктарына “Азбука здароўя”, пазнаваўчая гадзіна “Прычыны камп’ютарнай залежнасці”, урок-разважанне “Дрэнныя звычкі”, абмен думкамі “Словы пра алкаголь”, шчырая размова “Не пракуры сваё жыццё”, дыскусія “Міфы пра наркотыкі”, гадзіна зносін “Новыя павевы моды і здароўе” і інш. У школьнай бібліятэцы была арганізована тэматычная выстава “Рашучае НЕ – тытуню!”, . відэа-калаж “Шкодныя звычкі”.

У рамках асенняга месячніка па добраўпарадкаванні вучнямі нашай школы была прыбрана тэрыторыя каля помніка загінуўшым аднавяскоўцам у в. Аранчыцы і каля брацкай магілы в. Аранчыцы. Было сабрана бытавое смецце, сухое галлё, падмецены  дарожкі, праведзена праполка кветнікаў і рабатак, выдалена пустазельная расліннасць з тратуарнай пліткі на тэрыторыі мемарыяла.

З 19 па 24 кастрычніка вучні нашай школы прынялі актыўны ўдзел у Тыдні гісторыі. Ім давялося адказваць на пытанні віктарыны, удзельнічаць у конкурсе красвордаў, рыхтаваць інфармацыю аб гістарычных асобах. Каманды  5 – 9 класаў паспрабавалі сябе ў інтэлектуальным спаборніцтве “Гістарычная мазаіка”, а дзесяцікласнікі і адзінаццацікласнікі ўдзельнічалі ў брэйн-рынгу “Свая гульня”. У рамках Тыдня  вучні 9 класа ўдзельнічалі ў выпуску гістарычнай газеты “Пружаншчына ў датах”. У шосты школьны дзень вучні 6-8 класаў наведалі выставу грошай розных эпох і прадметаў часоў Вялікай Айчыннай вайны, сталі ўдзельнікамі віртуальнага падарожжа “Замкі Беларусі”.

Ужо стала традыцыяй  у  Ліноўскай школе адзначаць Дзень Маці, таму 10 кастрычніка  стартаваў Тыдзень Маці. У рамках тыдня запланавана шмат мерапрыемстваў. Кожны дзень быў насычаным і цікавым. Адкрыла тыдзень  выстава– знаёмства “І гэта ўсё аб ёй – аб маці аб маёй ” пад кіраўніцтвам бібліятэкара школы Барташ Т.Г. У гэты ж дзень вучні 5-7 класаў удзельнічалі ў літаратурна-музычнай імпрэзе “Свет мяцярынскай любові”, якую арганізавалі работнікі Ліноўскай СБ. У 1-11 класах прайшлі інфармацыйныя гадзіны “Самае дарагое – мама” (1-4 кл.), “Свет прыгожы ўжо таму, што ў ім ёсць мама” (5-7 кл.), “Абарона мацярынства і дзяцінства ў Рэспубліцы Беларусь” (9-11 кл.).

Вучні 7 класа арганізавалі выпуск агульнашкольнай газеты “Усё на зямлі пачынаецца з жанчыны…”

Серада аказалася максімальна насычанай. Актыў піянерскай дружыны “Дружная” імя В.Ботрніка сустракаў усіх мам у фае школы з невялікімі сюрпрызамі. Віншаванні атрымалі і настаўнікі, работнікі школы, мамы, якія прыводзілі сваіх дзяцей на заняткі. Святочны настрой дапоўнілі песні аб маці, якія гучалі на кожным перапынку ў фае школы. Напярэдадні  свята быў падрыхтаваны стэнд, які для ўсіх у гэты дзень стаў фотазонай.

Пасля ўрокаў вучні школы выйшлі павіншаваць матуль на вуліцы нашага аграгарадка, а таксама заглянулі на мясцовыя прадпрыемствы.