ЭКСКУРСІЯ Ў МЕМАРЫЯЛЬНЫ КОМПЛЕКС “БРЭСЦКАЯ КРЭПАСЦЬ”. УСХОДНІ ФОРТ

4 лістапада навучэнцы 6 “А” і 7 класаў сталі ўдзельнікамі экскурсіі ў Заходні форт Брэсцкай крэпасці. Навучэнцы пазнаёміліся з музеем, які створаны ў казематах ўнутранага вала казармы Кобрынскага ўмацавання. Гэта ўнікальны фартыфікацыйны аб’ект, які абаронцы крэпасці ператварылі ў самы магутны ачаг супраціўлення ў чэрвені 1941 года.

Навучэнцы пазнаёміліся з экспазіцыяй, якая зрабіла на іх моцнае ўражанне. Яна адрозніваецца тым, што экспанаты знойдзены ў захаваных казематах. Тут кожная цэгла – нямы сведак тых грозных падзей. Застаецца толькі захапляцца мужнасцю абаронцаў крэпасці, прыходзіць сюды, каб аддаць даніну павагі і памяці за тое, што яны зрабілі для ўсіх нас. Гэта яшчэ адно сведчанне павагі да нашай гісторыі, светлай памяці аб абаронцах цытадэлі.