пачалася работа бацькоўскага ўніверсітэта

15 кастрычніка ў Ліноўскай школе пачаў сваю работу Бацькоўскі ўніверсітэт. 19 кастрычніка прайшлі першыя заняткі для бацькоў 1-11 класаў. У рамках Бацькоўскага універсітэта для бацькоў 2-4 класаў праведзены семінар-практыкум “Рэжым дня малодшага школьніка”, для бацькоў навучэнцаў 3-4 класаў  кіраўнік кафедры канструктыўнага ўзаемадзеяння Гук М.М. правяла дыскусію “Як навучыць сваё дзіця жыць у свеце людзей”, кіраўнік кафедры ўзроставай і сямейнай псіхалогіі Вараб’ёва Н.І. для бацькоў навучэнцаў 9-11 класаў правяла занятак з элементамі трэнінга “Як дапамагчы старшакласнікам набыць упэўненасць у сабе “, кіраўнік кафедры прававых ведаў Папека С.У. для бацькоў навучэнцаў 5-8 класаў правяла  семінар-практыкум “Роля бацькоў у фарміраванні бяспечных паводзін дзіцяці. Прафілактыка супрацьпраўных паводзін “.

Таксама бацькі былі праінфарміраваны аб праблеме гвалту ў адносінах непаўналетніх, яго праяўленнях, негатыўных наступствах і магчымых варыянтах зваротаў за дапамогай.