ЛІНОЎСКАЯ СЯРЭДНЯЯ ШКОЛА

У рамках Усебеларускай акцыі “Мы – грамадзяне Беларусі!” 15 сакавіка 2018 г. у Пружанскім райвыканкаме з удзелам прадстаўнікоў раённай выканаўчай улады адбылося ўрачыстае ўручэнне пашпартоў навучэнцам Пружанскага раёна – юным грамадзянам Рэспублікі Беларусь.

У ліку тых, хто быў удастоены такога гонару, вучаніцы 8 класа нашай школы Сянюк Арына і Давідзюк Паліна.

У рамках Тыдня фінансавай граматнасці, які праходзіць у Рэспубліцы Беларусь з 12 па 18 сакавіка пад дэвізам “Грошы маюць значэнне”, школу наведалі спецыялісты ААТ “Белаграпрамбанк”. З мэтай пашырэння ведаў навучэнцаў аб фінансах работнікі банка прадставілі школьнікам прэзентацыю, а таксама расказалі аб асноўных прынцыпах фінансавай граматнасці.

Вішуем з чарговай перамогай:

Сарачук Юлія – 3 месца на другім этапе абласной алімпіяды па асновах бяспекі жыццядзейнасці.

Continue reading →

“Самым пяшчотным і добрым …” – так называўся святочны канцэрт, які падрыхтавалі і паказалі вучні школы напярэдадні 8 сакавіка мамам, бабулям і настаўнікам.

3 сакавіка з бацькамі навучэнцаў 3 – 4 класаў педагогам-псіхолагам быў праведзены занятак “Цаню, слухаю, не дазваляю”, у ходзе якога бацькі ўдасканальвалі практычныя навыкі ўзаемадзеяння з дзецьмі: вучыліся іх слухаць, даваць ацэнку іх дзеянням і паводзінам.

1 сакавіка – сусветны дзень барацьбы з наркотыкамі. Традыцыйна ў гэты дзень ў школе праводзіцца  прафілактычная акцыя   “Моладзь супраць наркотыкаў”,  у рамках  якой  з навучэнцамі 5-6 класаў праведзена мерапрыемства  з цыклу “Бяспечныя і адказныя паводзіны”, а з навучэнцамі 7-8 класаў – інтэрактыўная  гульня “Міфы пра наркотыкі”  з праглядам  відэафільма  “Пад  маскай прыстойнасці”.

Падлеткі яшчэ раз упэўніліся ў каварнасці страшнай хваробы – наркаманіі і цяжкіх наступствах ўжывання наркатычных  і таксічных сродкаў.

Субота 24 лютага стала ў школе па-сапраўднаму “алімпійскай”. Вучні-пачаткоўцы з бацькамі сабраліся пад алімпійскім сцягам на спаборніцтвах “Мама, тата, я – спартыўная сям’я”.

Вучні 6 і 7 класаў выбіралі лепшых падчас спартыўна-гульнявой праграмы “Сапраўдныя хлопцы”, а старэйшыя навучэнцы пабывалі на Алімпійскім уроку, прысвечаным XXIII Зімовым Алімпійскім гульням.

У суботу, 17 лютага, школа прымала жаданых гасцей – навучэнцаў Бакунскай і Слабадской школ – нашых добрых суседзяў. Рабяты з Бакуноў шчыра падзяліліся з усімі сакрэтамі здароўя падчас правядзення аднайменнай гульні-падарожжа, прадэманстравалі ўсім прысутным свае творчыя здольнасці пры выкананні частушак, у інсцэніраваным прадстаўленні, у чарговы раз даўшы магчымасць пераканацца ў неабходнасці вядзення задровага ладу жыцця.