Тэматычная выстава “Трагедыя і доблесць Афгана”
Да Дня памяці воінаў-інтэрнацыяналістаў у бібліятэцы была аформлена тэматычная выстава “Трагедыя і доблесць Афгана”.
Вусны часопіс “У сяброўстве – моц!”
Збор дружыны, прысвечаны Дню воінаў-інтэрнацыяналістаў “Рэха Афганскай вайны”
11 лютага у нашай школе адбыўся збор дружыны, прысвечаны Дню воінаў-інтэрнацыяналістаў “Рэха Афганскай вайны”. На збор быў запрошаны Ільяшэвіч Юрый Афанасьевіч, які прайшоў праз пекла Афганскай вайны. Ён расказаў вучням пра гады службы ў Афганістане і адказаў на пытанні рабят.
Праз гады, праз адлегласці…
6 лютага ў Ліноўскай СШ адбыўся вечар сустрэчы з выпускнікамі. Кожны год нашу школу пакідаюць 11-класнікі і на змену ім прыходзяць маленькія вучні-першакласнікі. Мяняюцца дзеці, мяняюцца настаўнікі, але школа застаецца. І так прыемна бачыць у школе кожны год родныя твары выпускнікоў.
КТC «Кніжкіна бальніца»
КТC «Кніжкіна бальніца» прайшла ў бібліятэцы 6 лютага. Навучэнцы разам з класнымі кіраўнікамі і педагогам-арганізатарам дапамаглі падоўжыць жыццё кнігам.
Тыдзень прафарыентацыі
Надзвычай цікавым і змястоўным стаў мінулы тыдзень для вучняў і наставўнікаў нашай школы. Ён быў прысвечаны прафарыентацыі. Ва ўсіх класах прайшла адзіная інфармацыйная гадзіна “Прафесіі нашых бацькоў”.
Віншуем!
Віншуем удзельнікаў гурта “Лінькі” і іх кіраўніка Бяскроўную Людмілу Аляксандраўну з перамогай у раённым этапе VI Рэспубліканскага фестывалю фальклорнага мастацтва “Радавод”. Першае месца у намінацыі “Абрадавыя і пазаабрадавыя песні”.
У намінацыі “Фальклорная спадчына” (даследчая работа) віншуем Бяскроўнага Рамана (10 клас) і кіраўніка Бяскроўную Людмілу Аляксандраўну – першае месца.
Дзень талентаў. Субота 30.02
Дзень талентаў запрасіў вучняў 1-4 класаў на гульню “Адгадай мелодыю”. Удзельнікам трэба было не проста адгадаць словы песні ці мелодыі, але і зрабіць гэта як мага хутчэй, каб абагнаць саперніка. Мелодыі былі сабраны па раздзелах “Аб матулі”, “Школьныя”, “Аб раслінах”, “Аб жывёлах”, “Пра дружбу” і іншыя. Было весела і цікава.
Гурток “Умелыя ручкі”
Кожную суботу запрашае вучняў школы гурток “Умелыя ручкі”, кіраўніком якога з’яўляецца Жвалікоўская Наталля Аляксандраўна. Гурток працуе ў школе не першы год. Заняткі гуртка вучні наведваюць з задавальненнем. Наталля Аляксандраўна змагла захапіць усіх творчасцю. Дзеці з добрым настроем ідуць на кожны занятак, ствараюць шэдэўры і радуюцца вынікам сваёй дзейнасці. Наталля Аляксандраўна навучыць, як зрабіць ляльку, веласіпед-сувенір з каляровых нітак, і прыгожых птушак пасадзіць у клетку, зробленую сваімі рукамі, і вясёлыя сланечнікі заўсміхаюцца ў кампазіцыі.
Дзень дабрыні
У мінулую суботу Дзень дабрыні запрасіў усіх жадаючых. Пачаўся ён акцыяй “Дапаможам бліжняму”. Вучні 5-11 класаў дапамаглі расчысціць двары ад снегу былым настаўнікам-пенсіянерам і проста аднавяскоўцам.
Далей вучні 10-11 класаў наведалі мерапрыемства “І.Шамякін – чалавек вялікай душы”, якое было праведзена сумесна з Ліноўскай сельскай бібліятэкай.
Вас запрашае субота
