урачыстая лінейка

1 верасня – самы доўгачаканы дзень для тых, хто ўпершыню пераступае школьны парог, і таму гэты дзень самы хвалюючы і запамінальны як для першаклашак, так і для іх бацькоў.

Міністр сувязі і інфарматызацыі Канстанцін Канстанцінавіч Шульган 1 верасня прыняў удзел ва ўрачыстай лінейцы, прымеркаванай да Дня ведаў, у Ліноўскай сярэдняй школе.

Міністр цёпла і сардэчна павіншаваў удзельнікаў урачыстасці з Днём ведаў і пажадаў, каб усе мэты і задачы, якія перад сабой ставіць школа, настаўнікі, вучні, бацькі, былі выкананы.

Пасля ўрачыстай лінейкі школьнікі селі за свае парты.
Падчас першага ўрока, тэма якога “Гістарычная памяць – дарога ў будучыню!”, Канстанцін Канстанцінавіч сумесна з дырэктарам школы ўручылі першаклашкам падарунак ад Прэзідэнта Рэспублікі Беларусь – кніга «Беларусь – наша Радзіма».
Ад Мінсувязі таксама кожнаму першакласніку падарылі сімвалічны партфель з канцтаварамі, а для класа перададзеныя футбольныя мячы і канцылярскія прыналежнасці.

У дзень мерапрыемства для навучэнцаў праведзена акцыя “Дзень ведаў ” з прадастаўленнем бясплатнай перасылкі па Беларусі сваім родным і блізкім. Актыўнай лакацыяй была фотазона з персанажам паштальёнам Печкіным, арганізаваная Пружанскім участкам паштовай сувязі.

Урачыстая лінейка, прысвечаная святу першага званка, надоўга застанецца ў памяці хлопчыкаў і дзяўчынак, бацькоў, педагогаў  нашай школы і гасцей.