ВЕЛАПРАБЕГ “СЦЯЖЫНКАМІ МАЛОЙ РАДЗІМЫ”

2 лістапада вучні 5, 7 класаў сталі ўдзельнікамі велапрабегу “Сцяжынкамі малой радзімы”. Яны наведалі сядзібны парк Трымбіцкіх. Знаходзіцца ён у п.Інтэрнацыянальны Пружанскага раёна, Брэсцкай вобласці ў 3 кіламетрах ад аг.Лінова па дарозе Запруды-Пружаны. Пейзажны парк, закладзены Вінцэнтам Трымбіцкім пры будаўніцтве рэзідэнцыі ў канцы XVIII стагоддзя. Плошча парку складае 3 га (без саду). Ён размешчаны ўздоўж выцягнутай кампазіцыйнай восі з поўначы на поўдзень. Уязная алея кароткая. Яна вылучаецца тым, што ўпрыгожана каштоўнай экзотыкай – ліпай Крымскай, а таксама сваёй шырынёй (20 м). Алея вяла да параднай паляны з традыцыйным кругам перад палацам. З усходняга боку алея фіксавалася стайняй, з заходняга боку да яе далучаўся крухмальны завод. Праз парк праходзіла прагулачная алея, абсаджаная пладова-ягаднымі кустамі. У пачатку XIX стагоддзя паркавыя ба’екты атрымалі пейзажнае ўпрыгожванне невялікімі драўнянымі групамі і адзінкавымі дрэвамі: клёнам, грабам, ясенем, ліпай, хвояй Веймутова і інш. Дрэвы дасягаюць узросту 150 і больш гадоў. У парку да гэтага часу растуць клён, граб, хвоя Веймутова, ліпа. Захавалася і сядзіба Трымбіцкіх. Больш падрабязна аб сядзібе можна даведацца  тут.