Алімпійская спартландыя “Мама, тата, я – спартыўная сям’я”

У суботу, 22 лютага, у ДУА “Ліноўская СШ” прайшла спартландыя “Тата, мама, я – спартыўная сям’я» да Дня ахоўніка Айчыны, у якой прынялі ўдзел вучні пачатковых класаў разам з бацькамі. Сабралася нямала гледачоў, якія прыйшлі падтрымаць  удзельнікаў гэтай займальнай спартыўна-забаўляльнай праграмы. Мерапрыемства пачалося з каманднага прывітання.

Бацькі і дзеці прымалі ўдзел у спартыўных конкурсах, дзе патрабаваліся спрыт, згуртаванасць і воля да перамогі. Поспех каманды залежаў ад хуткасці і спрыту як дзяцей, так і дарослых. Таму хварэлі і перажывалі адзін за аднаго ўсе.

Гэта спартыўнае свята паказала, што мамы, таты і дзеці ўмеюць працаваць як адна каманда: з запалам, весялосцю і падтрымкай адзін аднаго.

У заключэнне спартыўнага сямейнага свята ўсе каманды былі ўзнагароджаны дыпломамі, медалямі і салодкімі прызамі.