З 19 па 24 лістапада ў школе прайходзіў тыдзень беларускай мовы …
З 19 па 24 лістапада ў школе прайходзіў тыдзень беларускай мовы і літаратуры пад назвай “З любоўю да роднага слова”.
У панядзелак вучні 5 – 11 класаў прынялі ўдзел у КТС і выпусцілі газету “Юбіляру”. А ў кабінеце беларускай мовы і літаратуры была наладжана выстава кніг “Пісьменнікі-юбіляры ў лістападзе”.
Акцыя “Размаўляй са мной па-беларуску”, якая праходзіла ў аўторак, заклікала настаўнікаў, вучняў і іх бацькоў размаўляць на беларускай мове.
У сераду на перапынках праходзіла “Свята беларускай гульні”, у якім прынялі ўдзел вучні 5-7 класаў. Разам з Людмілай Аляксандраўнай дзеці гулялі ў “Ручаёк”, “Шкуту”, “Як хадзіў наш казёл”, “Проса”. Весела і рухава праходзіў кожны перапынак.
У чацвер школа прымала гасцей з Аранчыцкага Дома фальклору. Фальклорны калектыў “Бабіна лета” прадставіў вучням 5-11 класаў абрад “Упрыгожванне каравая”.
У пятніцу вучні школы, настаўнікі мелі магчымасць паслухаць беларускія песні. Гэты дзень праходзіў пад назвай “Гучы, беларуская песня”.
На тэатралізаванае свята “Па старонках любімых твораў” былі запрошаны вучні 5-11 класаў у суботу. Былі праінсцэніраваны ўрыўкі з “Прымакоў” і “Паўлінкі” Я. Купалы, беларускія вершы і байкі, народныя жарты, беларуская народная казка.
Пакінуць адказ